Qirg‘izistonda “OYMO” an’anaviy madaniyat va hunarmandchilik festivali!
1–5 iyul 2025 yil
Qaraqol shahri, Issiqko‘l viloyati, Qirg‘iziston
IX Xalqaro “OYMO” an’anaviy madaniyat va hunarmandchilik festivali joriy yilning 1–5 iyul kunlari Qirg‘izistonning Qaraqol shahrida bo‘lib o‘tadi. Bu festival Markaziy Osiyodagi madaniy meros va kreativ sanoatlar sohasidagi eng yirik tadbirlardan biri hisoblanadi.
Festivalda dunyoning turli mamlakatlaridan hunarmandlar, dizaynerlar, san’at va madaniyat namoyandalari, yoshlar hamda sayyohlar ishtirok etadi.
🇺🇿 Ushbu nufuzli festivalda Hunarmand uyushmasi a’zolari — yurtimizning mahoratli hunarmandlari ham ishtirok etmoqda! Ular o‘z hunarlari va mahsulotlari orqali milliy an’analarimizni xalqaro miqyosda namoyish etishmoqda.
Bu yilgi festival muassis va YUNESKOning nomoddiy madaniy meros bo‘yicha xalqaro eksperti — Dinara Ilimbekovna Chochunbayeva (1956–2025) xotirasiga bag‘ishlangan.
Festival maqsadlari:
Madaniy merosni asrab-avaylash va avlodlarga yetkazish
An’anaviy bilimlarni qayta tiklash
Hunarmandchilik va kreativ industriyalarni rivojlantirish
Qirg‘izistonni ekologik toza madaniy turizm markaziga aylantirish
Hunarmandchilikning qalbi — an’analarda. Biz an’analarni asrab, kelajakka yetkazamiz!
\
